Неймар Барселонага келди

ПСЖ клуби форварди Неймар жароҳатидан даволаниш учун Барселонага келди. Бу ҳақда L'Équipe нашри хабар бермоқда.

Эслатиб ўтиш лозимки, 26 ёшли бразилиялик футболчи Франция кубоги 1/16 финал босқичидан ўрин олган “Страсбург”га қарши ўйинда жароҳат олган эди. Кейинчалик клуб расмий сайти эса уни 10 ҳафта майдонга туша олмаслигини маълум қилди.

Маълумот учун, Неймар жорий мавсум ПСЖ сафида жами 23та ўйинда майдонга тушди ва ўз ҳисобига 20та гол ҳамда 10та голли узатма ёздириб қўйишга эришди.