Обамеянг терма жамоаси учадиган самолётдан ор қилди ва унга чиқишни истамади

Лондоннинг "Арсенал" клуби форварди Пьер-Эмерик Обамеянг самолётнинг етарли даражада қулай эмаслиги боис Габон терма жамоаси сафида ўйнашдан бош тортди. Бу ҳақда L’Equipe нашри хабар бермоқда.

Юқоридаги манбаанинг ёзишича 29 ёшли футболчи Африка миллатлар кубоги саралаши доирасида ўтказилган Жанубий Суданга қарши баҳсга боришни истамаган. Унинг фикрича Габон терма жамоасининг самолёти топ даражадаги футболчилар учадиган самолёт стандартига мутлақо тўғри келмайди.

Эътиборлиси, габонликлар сафарда гарчи етакчи футболчисисиз ҳаракат қилишган бўлса ҳам якунда кичик ҳисобда ғалаба қозонишди.

Обамеянг эса “Арсенал” кароргоҳига қайтган. Бироқ, футболчи атрофида можаролар келиб чиқмаслиги учун расмий баёнотда Обамеянг жароҳати сабаб сафар ўйинига бормагани айтилган.