O‘rtoqlik o‘yini. Qatar O‘zbekistonga kelish oldidan Ekvadorni mag‘lub etdi

"Shayh Jassim Bin Hamad" stadionida kechgan bellashuv gollarga boy o‘tdi va unda mezbonlar 4:3  hisobidagi g‘alabani qo‘lga kiritishdi.

Qatarliklar safida Almoz Ali (2 ta), Akrom Afif, Hasan Al-Haydoslar gol kiritishdi. Bunga Ekvador safida Enner Valensiya (2 ta) va Xose Sevaloslar javob qaytarishdi.

Ma’lumot uchun, Qatar 16 oktyabr sanasida Toshkentda O‘zbekiston milliy terma jamoasiga qarshi o‘rtoqlik o‘yinida maydonga tushadi.