Ўзбекистон терма жамоасининг БААдаги йиғини якунланди

Ўзбекистон миллий терма жамоаси ЖЧ–2018 саралаш босқичи иккинчи даврасига тайёргарлик кўриш мақсадида БААнинг Дубай шаҳрида 21–24 январь кунлари ўқув-машғулотлар йиғинини ўтказди.

Йиғин доирасида Самвел Бабаян шогирдлари иккита ўртоқлик ўйинини ўтказди. Ёшартирилган таркибда ҳаракат қилган Ўзбекистон терма жамоаси Дания U-23 термасига қарши баҳс олиб бориб, 1:2 ҳисобида имкониятни бой берди.  Иккинчи ўйинда эса терма жамоа Грузия билан 2:2 ҳисобида дуранг ўйнади.

Терма жамоага жалб этилган “Пахтакор” футболчилари БААда йиғинини давом эттираётган жамоадошлари сафига бориб қўшлиди. Қолган футболчилар бугун Тошкентга қайтиб келади.

• САМВЕЛ БАБАЯН: ЙИҒИНДА ДЕНИСОВ, КРИМЕЦ ВА ИСМОИЛОВ ЙЎҚЛИГИ СЕЗИЛДИ

Эслатиб ўтамиз, Ўзбекистон терма терма жамоаси ЖЧ–2018 турнирига саралаш босчиқи навбатдаги — 6-турини 23 март куни Сурияга қарши сафарда ўтказади.

Маълумот учун, ЖЧ–2018 саралаш босқичи “А” гуруҳи 5-туридан кейин Ўзбекистон терма жамоаси 9 очко билан учинчи ўринда бормоқда. Сурия 5 очко тўплаган ҳолда тўртинчи ўринни банд қилиб турибди. Эрон 11 очко билан биринчи, Жанубий Корея эса 10 очко билан иккинчи поғонада бормоқда.