PSJ muxlislari uchun xushxabar

PSJ klubi yarim himoyachisi Marko Verratti jamoaning umumiy guruh mashg‘ulotlariga qo‘shildi. Bu haqda klub rasmiy sayti xabar bermoqda.

Unga ko‘ra italiyalik futbolchi jarohatidan to‘liq forig‘ bo‘lgan va u Chempionlar ligasi 1/8 final bosqichidan o‘rin olgan "Manchester Yunayted"ga qarshi bahsda ishtirok eta oladi. Qayd etish lozimki, bu o‘yin 12 fevral kuni bo‘lib o‘tadi.

Verratti xatto bugun Frantsiya chempionati 24-turi doirasida bo‘lib o‘tadigan “Bordo”ga qarshi bahsda ham parijliklarga yordam berishi mumkin. Ushbu uchrashuv Toshkent vaqti bilan soat 21:00da boshlanadi.