"Реал Сосьедад" футболчиси юрак хуружини бошдан кечирди

Испаниянинг "Реал Сосьедад" клуби ярим ҳимоячиси Лука Сангальи юрак хуружини бошдан кечирди. Бу ҳақда клуб расмий сайти хабар бермоқда.

Унга кўра ушбу ҳолат туфайли 23 ёшли футболчи зудлик билан касалхонага ётқизилган. Айни дамда унинг ҳаётига ҳеч қандай хавф йўқ, аммо у барибир шифохонада қолмоқда.

Маълумот учун, Сангальи "Реал Сосьедад" тарбияланувчиси ҳисобланади. У жамоанинг асосий таркибида август ойидан буён тўп суриб келмоқда. У жорий мавсум жами 6та ўйинда майдонга тушиб, ўз ҳисобига 1та гол ҳамда 2та голли узатма ёздириб қўйишга эришди.