Рибери: "Бавария"га яна қайтаман

Мюнхеннинг “Бавария” клуби ярим ҳимоячиси Франк Рибери келажакда ушбу жамоага албатта қайтиши ҳақида гапирди.

“Бавария” – менинг оилам. Мен ўз тарихимни айнан шу ерда ёздим. Агар клуб жорий мавсум чемпионликни қўлга киритса, у ҳолда мен 9 карра Бундеслига чемпиони бўлган “Бавария” тарихидаги биринчи футболчига айланаман.

Агар мен “Бавария”дан кетсам, албатта яна бу ерга қайтаман. Бироқ, бошқа ролда. Бу нарса хатто шартномамда ҳам ёзилган”, - дейди франциялик футболчи.

Маълумот учун, Рибери “Бавария” шарафини 2007 йилдан буён ҳимоя қилиб келмоқда. У ўтган давр мобайнида жами 411та ўйинда майдонга тушди ва ўз ҳисобига 122та гол ҳамда 180та голли узатма ёздириб қўйишга эришди. Унинг амалдаги шартномаси эса жорий мавсум якунида ўз ниҳоясига етади.