“Рома” ва “Зенит” колумбиялик футболчига қизиқиш билдирмоқда

“Зенит” жамоаси “Бока Хуниорс”нинг колумбиялик ярим ҳимоячиси Вилмар Барриосни ўз сафига қўшиб олмоқчи. Бу ҳақда RomaNews хабар бермоқда.

Манбанинг маълум қилишича, питерликлар 25 ёшли футболчи учун 13 миллион евро ва қўшимча бонуслар тўлашга тайёр. Иқтидорли футболчи учун, шунингдек, “Рома” кураш олиб бормоқда. Бироқ римликлар аввал футболчини ижарага олиб, кейин бази шартлар бажарилсагина бутунлай сотиб олмоқчи.  

Маълумот учун, Вилмар Барриос 2016 йилнинг ёзида “Депортес Толима” клубидан “Бока Хуниорс” таркибига келиб қўшилганди. Унинг трансфер қиймати 2,6 миллион еврога баҳоланган эди.