Роналду Аллегрига нега қўнғироқ қилди?

Мадриднинг “Реал” клуби ҳужумчиси  Криштиану Роналду бўлажак жамоаси - “Ювентус” бош мураббийи Массимилиано Аллегри билан телефон орқали гаплашди ва кутилаётган трансфер масаласини муҳокама қилди.

La Gazzetta dello Sport нашри тарқатган хабарга кўра Аллегри Роналду билан жума куни “Ювентус” президенти Андре Аньелли билан ушбу масалани муҳокама қилиш учун Туринга келганда гаплашган. Айтиш лозимки, ушбу қўнғироқ футболчининг вакиллари томонидан амалга оширилган.

Айни дамда “Ювентус”дагилар “Реал”га расмий таклиф юбориши учун Роналдунинг “қироллик клуби”дан кетишга қарор қилгани ҳақидаги жавобни кутишмоқда.

Хабарларга қараганда бугун Роналдунинг агенти Жорже Мендеш “Реал” раҳбарияти билан ушбу трансфер юзасидан сўнгги музокараларни ўтказади.