Роналдунинг агенти "Реал" раҳбариятини огоҳлантирди

Мадриднинг "Реал" клуби форварди Криштиану Роналдунинг агенти Жорже Мендеш “қироллик клуби” раҳбариятини тез орада мижозига "Ювентус"дан расмий таклиф бўлиши ҳақида огоҳлантирди.

El Chiringuito нашри тарқатган хабарга кўра туринликлар тез орада 33 ёшли португалиялик футболчининг трансфери борасида “Реал”га расмий таклиф билан мурожаат қилишади.

Эслатиб ўтамиз, бундан аввалроқ мадридликлар президенти Флорентино Перес Роналдуни 130 млн евродан камига қўйиб юбормаслиги ҳақида айтиб ўтган эди.