Sergeevning BAAdagi ishlari yakuniga etdimi?

Xabaringiz bor  o‘zbekistonlik hujumchi Igor Sergeev faoliyatini BAAning “Al-Dafra” klubi davom ettirib kelayotgan edi. SPORTS.uz internet axborot portaliga ma’lum bo‘lishicha, futbolchi ning shartnomasi yakuniga etgan va erkin  agentga aylangan.

Boz ustiga mavsum yakunlariga ko‘ra, oliy  divizionda qolishni uddalagan “Al-Dafra” allaqachon yangi mavsum uchun ikki  nafar hujumchi bilan shartnoma imzolashga ulgurgan.  Jumladan, Saudiya Arabistonining “Al-Hilol” klubidagi o‘yinlari bilan ko‘pchilikka tanish bo‘lgan urugvaylik Nikolas Miles “Al-Dafra” bilan 3 yillik  shartnoma imzoladi  va aynan Sergeev to‘p surgan 10-raqamni o‘ziniki qildi.

Ma’lumot uchun,  mavsum o‘rtasida “Al-Dafra” safiga borib  qo‘shilgan Sergeev ushbu jamoa safida 10 ta bellashuvda maydonga tushdi va 1 ta gol kiritib,  1  bor hakam tomonidan ogohlantirildi.