"Sevilya" futbolchisi mashg‘ulot paytida qo‘lini sindirib oldi

“Sevilya” yarim himoyachisi Nolito jamoa mashg‘ulotlarining birida jiddiy jarohat oldi.

Andalusiyaliklar rasmiy saytining xabar berishicha 32 yoshli ispaniyalik futbolchi qo‘l suyaklarini sindirib olgan. Endi u tez orada jarrohlik amaliyotini boshdan kechiradi. Shundan so‘ng u kamida uch oy maydonga tusha olmaydi.

Ma’lumot uchun, Nolito joriy mavsum “Sevilya” safida jami 16ta o‘yinda maydonga tushdi va o‘z hisobiga 4ta gol hamda 2ta golli uzatma yozdirib qo‘yishga erishdi.