"Sevilya" o‘z safiga chexiyalik darvozabonni qo‘shib oldi

Ispaniyaning "Sevilya" klubi "Bazel" darvozaboni Tomash Vatslik bilan shartnoma imzoladi. Bu haqda klub rasmiy sayti xabar bermoqda.

Berilgan ma’lumotlarga ko‘ra andalusiyaliklar 29 yoshli chexiyalik posbon uchun shveytsariyaliklarga 6 mln evro to‘lashgan. Futbolchi esa yangi jamoasi bilan 2021 yilga qadar shartnoma imzolagan.

Ma’lumot uchun, Vatslik “Bazel” safida 2014 yildan buyon to‘p surib kelayotgan edi. U ushbu davr mobaynida jami 169ta o‘yinda maydonga tushib, o‘z hisobiga 183ta gol o‘tkazib yuborgan.