"Tottenxem" "Milan"ning 2 nafar futbolchisiga qiziqib qoldi

Londonning "Tottenxem" klubi "Milan"ning 2 nafar futbolchisiga qiziqib qoldi.

Football Italia nashri tarqatgan xabarga ko‘ra “shporlar” yangi mavsumda Franko Kesse va Susolarni o‘z safida ko‘rishmoqchi. “Tottenxem” ivuarlik yarim himoyachi va ispaniyalik hujumchi evaziga “rossonerilar”ga 80 mln evro to‘lashga tayyor.

Ma’lumot uchun, 22 yoshli Kesse joriy mavsum  27ta o‘yinda maydonga tushib o‘z hisobiga 3ta gol hamda 2ta golli uzatma yozdirib qo‘yishga erishdi. 25 yoshli Suso hisobida esa 26ta o‘yinda ishtirok etdi va o‘z hisobiga 6ta gol hamda 8ta golli uzatma yozdirib qo‘ydi.