"Тоттенхэм" мавсум якунигача ўз ўйинларини "Уэмбли"да ўтказиш борасида келишувга эришди

Лондоннинг "Тоттенхэм" мавсум якунигача ўз уй учрашувларини "Уэмбли" стадионила ўтказиш бўйича келишувга эришганини эълон қилди.

Гап шундаки, агар “шпорлар” янги аренасининг фойдаланишга топширилиш муддати чўзиладиган бўлса, улар яна "Уэмбли"да ўйнашда давом этишлари мумкин.

Таъкидлаш керакки, даставвал “Тоттенхэм” янги стадионига сентябрь ойининг ўрталарида кўчиб ўтиши айтилган эди. Аммо, бу ҳалигача пайсалга солиб келинмоқда.