Венгер жаҳон чемпионатига чиқа олмаган Санчеснинг ўрнига жаҳон чемпионини олиб келмоқчи

Лондоннинг “Арсенал” клуби бош мураббийи Арсен Венгер жамоани тарк этиши деярли аниқ бўлиб улгурган ҳужумчи Алексис Санчеснинг ўрнига муносиб футболчи топиб қўйди.

The Sun нашри тарқатган хабарга кўра франциялик мутахассис ПСЖ клуби ва Германия терма жамоаси ҳужумчиси Юлиан Дракслерга жиддий қизиқиш билдирмоқда. Ушбу трансфер “канонирлар” учун 45 млн еврога тушиши мумкин.

Эслатиб ўтамиз, бундан аввалроқ Дракслерга “Ливерпуль” клуби ҳам қизиқаётгани ҳақида хабарлар тарқалган эди.