Виталий Денисов ва унинг жамоадошларига премьер-лиганинг олтин медаллари қачон топширилиши маълум бўлди

Ўтган мавсум якунларига кўра Россия премьер-лигасида ғолибликни қўлга киритган Москванинг “Локомотив” клуби аъзоларига мусобақанинг олтин медаллари 23 июль куни топширилади.

Клуб расмий твиттерининг хабар беришича тантанали маросим жамоанинг уй стадиони ҳисобланган “РЖД Арена”да бўлиб ўтади. Айнан шу куни “Локомотив” ўзининг янги мавсумда фойдаланадиган либосини ҳам намойиш этади.

Маълумот учун, “Локомотив” сафида ҳамюртимиз Виталий Денисов ҳам тўп суради. У яқинда жамоа билан амалдаги шартномасини узайтирди.