"Zenit" futbolchisi A Seriya klubiga o‘tishi mumkin

Sankt-Peterburgning "Zenit" klubi yarim himoyachisi Emiliano Rigoni "Atalanta"ning qiziqishlar doirasiga kirib qoldi.

Jurnalist Janluki Di Martsio tarqatgan xabarga ko‘ra A Seriya klubi 25 yoshli argentinalik futbolchini keyinchalik sotib olish sharti bilan ijaraga olmoqchi.

Ma’lumot uchun, Rigoni o‘tgan mavsum piterliklar safida jami 29ta o‘yinda maydonga tushgan va o‘z hisobiga 6ta gol yozdirib qo‘yishga erishgan.