"Зенит" футболчиси А Серия клубига ўтиши мумкин

Санкт-Петербургнинг "Зенит" клуби ярим ҳимоячиси Эмилиано Ригони "Аталанта"нинг қизиқишлар доирасига кириб қолди.

Журналист Жанлуки Ди Марцио тарқатган хабарга кўра А Серия клуби 25 ёшли аргентиналик футболчини кейинчалик сотиб олиш шарти билан ижарага олмоқчи.

Маълумот учун, Ригони ўтган мавсум питерликлар сафида жами 29та ўйинда майдонга тушган ва ўз ҳисобига 6та гол ёздириб қўйишга эришган.