Абрамов: Бизда Одил Аҳмедовнинг ўрнини боса олиши мумкин бўлган футболчилар бор
Хабарингиз бор, 26 март куни Ўзбекистон ва Гана терма жамоалари ўртасида ўртоқлик учрашуви ўтказилади. Намангандаги "Марказий" стадионида бўлиб ўтадиган ўйин 18:00 да старт олади.
Бугун ушбу баҳс олдидан матбуот анжумани ташкил этилди. Унинг иккинчи қисмида Ўзбекистон МТЖ бош мураббийи Вадим Абрамов иштирок этди ва қуйидаги фикрларни билдириб ўтди:
-Агар ёзгача Одил Аҳмедов йиғинга чақирилмаса, терма жамоа ўйини кимнинг асосида қурилади?
"Тўғри, Аҳмедовнинг йўқлиги муаммо туғдириши табиий. У деярли бир йилдан бери ўйин амалиётисиз қолмоқда. Билишимча, унинг шартномаси бор ва умид қиламанки, июнгача у майдонга тушади ва ўз формасини қайта тиклаб олади. Бизда унинг ўрнини боса олиши мумкин бўлган футболчилар бор.
Биз Кореядаги легионерларимизни ҳам ушбу йиғинга жалб эта олмадик. Уларда қатъий пандемия қоидалари амалда ва футболчиларимиз ҳаракат қилаётган жамоалар бизга уларни қўйиб юбормайди.
Марказда ҳаракат қилиши мумкин бўлган Алибоев оғир операциядан кейин эндигина тикланиш жараёнини бошдан кечирмоқда. У билан гаплашганимда, ҳаммаси яхшилигини айтди. Шунингдек, Искандеров ҳам бизга ёрдам бериши мумкин эди. Аммо унда ҳам ўйин амалиёти кам. Қўшимчасига, Азиз Ғаниев ҳам ярим йилга сафдан чиққан".
Отабек Шукуров: Кимнинг ҳолати яхши бўлса, ўша терма жамоада ўйнайди
Фикрлар