Afif: "Chempionlik yo‘lidagi eng qiyin raqib bu O‘zbekiston edi"

Qatarda bo‘lib o‘tgan Osiyo kubogida turnir mezbonlari chempionga aylandi. Jamoaning eng muhim futbolchilaridan biri, finalda xet-trik amalga oshirib, chempionatning eng yaxshi futbolchisiga aylangan Akrom Afif Iordaniyaga qarshi o‘yindan keyin jurnalistlarning ayrim savollariga javob berdi. 

Jurnalist: 

- "Akrom, sen turnir davomida qaysi terma jamoaga qarshi o‘yinda qiynalding. Chempionlik yo‘lidagi eng qiyin raqib qaysi edi?"

Afif:

- "Menimcha, bu O‘zbekiston edi".

Terma jamoamiz chorak final bosqichida Tintin Markes shogirdlariga qarshi maydonga tushib, penaltilar seriyasida mag‘lubiyatga uchradi. 

Ma’lumot uchun, Afif Osiyo kubogidagi har bitta o‘yinda kamida bittadan golda ishtirok etdi. Ammo u O‘zbekistonga qarshi bahsda hech narsa qila olmadi.