Агар шундай қилинса, Роналду тамоман “синади”!

“Манчестер Юнайтед” клуб раҳбарияти ва бош мураббийини матбуот орқали танқид қилган Криштиану Роналдуни анча қийин аҳволга солиб қўйиши мумкин.

Айни пайтда ҳар икки томон юристлари ўртадаги ҳамкорликни тўхтатиш бўйича иш олиб бормоқда. Манчестерликлар португалиялик футболчи клубдан кетиши ва ҳеч қандай компенсация талаб қилмаслигини истаяпти.

Агар Роналду ўз позициясидан воз кечмаса, клуб раҳбарияти уни ўринбосарлар таркибига ўтказади ва шартномасининг охириги кунигача ёшлар жамоасида қолишга мажбур қилади. Бу ҳақда The Telegraph нашри хабар тарқатди.

Биринчи жамоада захирада қолаётганини ҳазм қила олмаётган португалиялик юлдуз учун ўринбосарлар таркибида ўйнаш фаолиятининг “синиши” билан баробардир.