АГМК - "Пахтакор": Матнли трансляция

Ўзбекистон Coca Cola Кубоги финали АГМК ва "Пахтакор" жамоалари ўртасида кечади. Ушбу саҳифа орқади беллашувни матнли трансляцияда кузатиб бориш имкониятига эгасиз. Қуйидаги янгилаш тугмасини босиб туриш орқали энг сўнгги вазиятлардан хабардор бўлиб туришингиз мумкин.

ЯНГИЛАШ

• 90'
  

  Учрашув якунланди. Матнли трансляцияни Абдулвосид Валихонов олиб борди. 

• 90+4'
  

  Дердийокнинг зарбаси аниқ, аммо кучсиз чиқди. 

• 90+3'

  Жаримадан узатилган тўпни АГМК футболчилари дарвозага йўллай олмади. 

• 90+'
  

  Ўйиннинг асосий вақтига 5 дақиқа қўшиб берилди. 

• 88'

  "Пахтакор" тўпни назорат қилмоқда. 

• 85'

  Жарима майдонига узатилган тўпни Қувватов ушлаб олди. 

• 83'
  

  АГМКнинг голи ВАР томонидан бекор қилинди. 

• 83'
  

  Черан ўрнига Сидиқов майдонга тушмоқда. 

• 81'

  Эркинов ҳужумда фол ишлатди. 

• 79'

  Шораҳмедов ўйинни давом эттира олмайди, чоғи. Ўзгаришлар учун имконият қолмаган. 

• 78'
  

  АГМК футболчиси тиббий ёрдам олмоқда. 

• 76'

  Жарима майдонига узатилган тўпни Қувватов ушлаб олди. 

• 74'
  

  Жўраев ва Абдураҳимов ўрнига Қосимов ва Умаров майдонга ташланди. 

• 72'
  

  Исмоилов ўрнига Собирхўжаев, Ҳамдамов ўрнига эса Эркинов майдонга тушмоқда. 

• 69'

  Машариповнинг бурчакдан узатган тўпи ҳимоячилар томонидан қайтарилди. 

• 68'

  АГМК яна ҳимояланмоқда. 

• 65'

  Шораҳмедовнинг жарима майдонига узатмаси кучли чиқди. 

• 64'

  Раҳмонов Исмоиловни ўз вақтида зарарсизлантирди. 

• 61'
  

  АГМК таркибида ўзгариш: Григалашвили ўрнига Омонов, Ватсадзе ўрнига Полвонов майдонга тушди.

• 59'
  

  ГОООООООООООООООООООООООЛЛЛ!!! Жалолиддин Машарипов пенальтидан "Паненка услуби"да фойдаланди ва ҳисобни йирик кўринишга келтирди! 0-3!

• 58'
  

  Бош ҳакам ВАРга мурожжатидан сўнг қўл билан ўйин деб ҳисоблади ва пенальти белгилади! Машарипов уни ижро этади.

• 55'
  

  Бурчак тўпини Алижонов ҳаводан ичкарига етказиб берди, ҳимоячилар вазиятни бартараф этди. Футболчилар қўл биланг ўйин деб ҳисоблашди ва ҳакам ВАРга мурожаат қилди. Ўзбекистон футболи тарихида илк бора ВАРга мурожаат!

• 54'

  Тайм бошидаги тезкор гол АГМК футболчиларининг руҳиятига жиддий таъсир қилди. Ўйин "Пахтакор"нинг мутлақ устунлигида ўтмоқда.

• 52'

  Номинал меҳмонлар қисқа паслар билан позицион ҳужум уюштирмоқда. Рақиб хатоси кутиляпти.

• 51'

  Ҳожиакбар Алижонов жарима майдони ичига ажойиб тарзда кириб борди ва узатма амалга оширди, бироқ унинг узатмасини ушлаб олувчи шерик топилмади.

• 50'

  "Пахтакор" уюштирган ҳужум ноаниқ якунланди.

• 49'
  

  Ҳусниддин Ғофуровнинг жаримадан дарвозага тўғридан тўғри берган заробасини Қувватов ушлаб қолди! Ажойиб сейв.

• 48'

  Баҳром Абдураҳимовга нисбатан ўйин қоидаси бузилди. Жарима зарбаси.

• 46'
  

  ГОООООООООООООООООЛЛЛ!!! Машариповнинг қанотдан узатган супер кроссини Черан дарвозага боши билан жойлаб қўйди! Дубль! 

• 46'
  

  Иккинчи тайм бошланди!

• 45+2'
  

  1-тайм якунланди. "Пахтакор" ҳисобда минимал устунлик билан кийим алмаштириш хонасига йўл олмоқда. Танаффус!

• 45+'
  

  Биринчи таймга 1 дақиқа қўшиб берилди. 

• 43'

  Ҳамробеков қарор қабул қилишда кечикди. Тўп йўқотилди. 

• 42'

  Шораҳмедов ҳужумда қоидани бузди. 

• 41'

  Абдураҳимов манзилига узатилган тўпга Қувватов чиқиб келди. 

• 41'

  Дердийок ўзига узатилган тўпга етиб бора олмади. 

• 40'

  Григалашвили яхши позицияга чиқиб бориб, ноаниқ зарба йўллади. 

• 39'
  

  Бурчак узатмаси тепилган тўп дарвоза устунига тегиб, майдонни тарк этди. 

• 38'

  Ғофуровнинг жаримадан тепган тўпи Черан томонидан майдон ташқарисига чиқариб юборилди. 

• 37'

  Олмалиқликлар фаоллашди. 

• 35'

  Ҳамдамов ҳужумда қоидани бузди. 

• 33'

  "Пахтакор"нинг жарима майдонига узатилган тўпни Қувватов ушлаб олди. 

• 31'
  

  Бурчакдан узатилган тўпни Дердийок дарвозага аниқ йўллай олмади. 

• 30'

  АГМК яна ҳимояланишга мажбур. Энди уларнинг аҳволи янада оғирлашиши аниқ. Тўпни "Пахтакор"дан олиб қўйиш қийин кечади. 

• 28'
  

  ГОООООООООООЛЛЛЛЛЛЛЛЛЛЛЛЛЛ!!! Черан Ҳамдамовнинг узатмасидан сўнг, қулай вазиятда пайдо бўлди. Унинг кучли зарбаси дарвоза тўридан жой олди. 

• 28'

  АГМКнинг ҳужуми ноаниқ пас туфайли тўхтади. 

• 27'

  Ватсадзе Алижоновнинг ортидан туртиб юборди. Фол!

• 25'

  Черан Тошматовнинг юзига зарба бериб юборди. 

• 24'

  "Пахтакор" ҳамон босим уюштирмоқда. АГМК қарши ҳужумларга таянмоқда. 

• 22'

  Ҳамробековнинг жарима майдони ташқарисидан тепган тўпи бироз ноаниқ кетди. 

• 19'

  ВАР вазиятни кўриб чиқди. Ҳақиқатан ҳам, пенальти йўқ. 

• 18'

  Жарима майдони ичида Черан йиқилиб тушди. Ҳакам ҳаммаси жойида деб ҳисоблади. 

• 17'

  Машарипов жарима майдонига кириб борди. Зарба бериш имконини ҳимоячилар бермади. 

• 16'

  "Шерлар" рақиб яриммайдонида тўпни назорат қилмоқда. 

• 15'

  АГМК босим уюштиришга ҳаракат қилмоқда. 

• 13'

  "Пахтакор"нинг қарши ҳужумини Машарипов ноаниқ зарбаси билан якунлаб берди, тўп дарвозадан анча юқорилаб кетди. АГМК тўпни ўйинга киритиб беради.

• 11'

  "Кончилар" ҳар жабҳада яхшироқ таассурот уйғотишмоқда. Қосимов жамоани финалга ажойиб тарзда тайёрлабди.

• 10'

  "Пахтакор"нинг ўта тезкор қарши ҳужуми Ҳамдамовнинг зарбаси билан якунланди, палапартиш вазиятдан АГМК футболчилари бир амаллаб чиқиб кетишди. Тўп дарвозабонгача етиб бормади.

• 9'

  Олмалиқликлар кутилмаганда ўйин назоратини бутунлай қўлга олишмоқда. "Пахтакор" ҳозирча ҳимояда қамалиб қолди.

• 7'
  

  АГМКнинг ҳужуми бурчак зарбаси билан якунланди. Бурчак зарбасини ҳимоячилар осон бартараф этишди.

• 6'
  

  Машариповнинг дарвозага тўғридан-тўғри йўллаган зарбасини Раҳимов қийинчилик билан қайтарди! Ажойиб сейв!

• 5'

  АГМК ҳимоячилари ўз жарима майдони яқинида фол ишлатишди. Жарима зарбасини Жалолиддин Машарипов ижро этади.

• 4'

  Номинал мезбонларнинг ажойиб ҳужуми Жокичнинг дарвозага йўллаган кучсиз зарбаси билан якунланди. Қувватов тўпни осон эгаллаб олди.

• 3'

  АГМК футболчиси Баҳром Абдураҳимов ҳужумда Машариповга нисбатан қўпол ўйнади. Ҳакам жарима зарбаси белгилади.

• 2'
  

  Олмалиқлик футболчилар илк дақиқаларданоқ стандард вазиятга эга бўлишди. Бурчакдан Тошматов узатган тўпни "Пахтакор" ҳимоячилари жарима майдонидан узоқлаштирди.

• 1'
  

  Ўйин бошланди! АГМК футболчилари ўйинни бошлаб беришди.

• 0'

  Эслатиб ўтамиз, бугунги финалда ВАР тизимидан илк бора фойдаланилади. 

  Футболчилар мадҳиямизни ижро этишди.

• 0'

  Футболчилар майдонга чиқиб келишмоқда. Ўйин саноқли дақиқалар ичида старт олади.

• 0'

  Ассалому алайкум, қадрли футбол ихлосмандлари! Ўзбекистон Кубоги финали бошланиш арафасида: Намангандаги Марказий стадион АГМК - "Пахтакор" тўқнашувини қабул қилишга тайёр! Ушбу учрашувни сайтимиз сизга матнли кўринишда тақдим этади. Матнли трансляцияни Абдулвосид Валихонов олиб боради.