“Ал-Ҳилол” Мессини олиб келадиган “фигура”ни топди

Саудия Арабистонининг “Ал-Ҳилол” жамоаси Лионель Мессини клубга кўчиб ўтишга кўндиришнинг турли йўлларини қидирмоқда.

Get Football News France нашрининг ёзишича, саудияликлар ПСЖ ярим ҳимоячиси Марко Верраттини трансфер қилишни режалаштирган. Улар Верратти ёрдамида унинг яқин дўсти Леони ҳам Саудияга келишга кўндирмоқчи.

Италиялик ярим ҳимочининг ўзи ҳам кўнгилдагидек ўтмаётган мавсумдан кейин жамоасини ўзгатиришга қарши эмас.

“Ал-Ҳилол” аргентиналик жаҳон чемпионини футбол тарихида энг катта маош оладиган ўйинчига айлантирмоқчи. Ўтган ой араблар Мессига ўз таклифини юборган. Бироқ, Лионель ҳали бир тўхтамга келгани йўқ.