"Ал-Ҳилол" португалиялик юлдуз учун курашга қўшилди

"Ал-Ҳилол" юлдузларни ўз таркибига қўшиб олишдан тўхтамаяпти. Саудия клубининг кейинги нишони бу Жоау Феликсдир. 

Фабрицио Романо хабар беришича, "Ал-Ҳилол" португалиялик вингерни ўз таркибига қўшиб олмоқчи. "Матрасчилар" билан музокаралар бўлиб ўтмоқда. 23 ёшли футболчи рад жавобини бермади. Агарда унга Европадан таклиф келмаса, Феликс Саудияга йўл олиши мумкин. 

Маълумот учун, Жоауга "Барселона" ҳам қизиқиш билдирмоқда. Унинг ўзи Каталония клубига ўтишни истайди. Аммо бу трансферни амалга ошириш Испания гранди учун қийинлик қилади.