"Ал-Насср" президенти: "Бу гапларнинг барчаси ёлғон"

"Ал-Насср" президенти Криштиану Роналдунинг эҳтимолий трансфери ҳақидаги саволга жавоб берди. 

Мусли Ал Муаммара Испаниянинг "Marca" нашри тарқатган хабарларни рад қилди. Унга кўра, португал "Ал-Насср"да 200 миллион евро олиши ва 2030 йилги мундиалда Саудия Арабистони элчиси бўлиши айтилганди. 

"Бу гаплар ҳақиқатга тўғри келмайди. Оммавий ахборот воситаларида ёзилган деярли ҳамма нарса ёлғон", - деди Ал Муаммар. 

Маълумот учун, кеча Саудия клуби Роналдунинг тиббик кўрикдан ўтиш санасини аллақачон режалаштириб бўлгани ҳақида хабарлар тарқалди.