Ал-Хелайфи: "ПСЖдаги энг катта юлдуз — бу жамоанинг ўзи"

ПСЖ президенти Носир Ал-Хелайфи жамоанинг Франция чемпионатидаги навбатдаги ғалабаси ҳақида фикр билдирди.

"Франция чемпиони сифатидаги 14-совринни қўлга киритганимиздан жуда фахрланамиз. Бу кетма-кет бешинчи чемпионлик бўлди ва бундай натижа клуб тарихида ҳали кузатилмаган.

Футболчилар, Луис Энрике, Луиш Кампуш ҳамда бутун жамоани ажойиб ишлари билан табриклайман. Бу муваффақият клубдаги барчанинг биргаликдаги меҳнати ва академиямиз салоҳияти натижаси бўлди. Шу тариқа олти нафар ёш футболчи профессионал даражада дебют қилди.

ПСЖдаги ҳақиқий юлдуз — бу жамоанинг ўзи. Биз қаерга бормайлик, мухлисларимиз доимо қўллаб-қувватлайди. Энди бутун эътиборимизни Будапештдаги навбатдаги синовга қаратамиз. Клуб тарихини ёзишда давом этиш учун ҳали кўп ишлашимиз керак", — деди Ал-Хелайфи.