Альберто Морено яна "Севилья"га қайтмоқчи

Яқиндагина шартномаси якунланиб, эркин агент сифатида “Ливерпул”ни тарк этган ҳимоячи Альберто Морено яна "Севилья"га қайтишни хоҳламоқда.

“Уйга қайтиш ва ўз мухлисларинг қаршисида футболдан завқ олиш ажойиб бўлар эди. Менга “Севилья” устози Хулен Лопетеги ёқади. У Европа чемпиони бўлган Испания ёшлар терма жамосининг ҳақиқий юраги эди”, - дейди Морено.

Маълумот учун, 26 ёшли испаниялик футболчи асли “Севилья” тарбияланувчиси ҳисобланади. У андалусияликлар сафида 2011-2014 йилларда тўп сурган ва 45та ўйинда майдонга тушиб, 3та гол уришга эришган.