Алекс Волкановски: "Бу вазнда мен қиролман. Ҳеч ким мени тўхтата олмайди!"

Ярим енгил вазнда амалдаги UFC чемпиони австралиялик Александр Волкановски (26-2) ўзининг Яир Родригез (15-4, 1NC) устидан қозонган ғалабаси борасидаги фикрлари билан ўртоқлашди:

"Сендан ҳеч ким кутмаган нарсани амалга оширишинг ҳаётингдаги энг муҳим жиҳат. Яир қанчалик даражада хавфли жангчи эканлигини барчангиз билардингиз, шу ўринда мен ҳам. Тўғрисини айтсам, унинг кутилмаган зарбалари мени жангдан олдин салгина бўлсада чўчитганди. Балким, шу фикрлар мени миямда жанг ҳафтаси давомида айлангани сабабли, кўпроқ мотивацияга бой бўлиб бу жангга ёндашдим. Вазн қиролиман ва ҳеч ким мени тўхтата олмайди!"

Эслатиб ўтамиз, амалдаги чемпион тонгда бўлиб ўтган UFC 290: Volkanovski vs. Rodriguez турнирининг асосий жангида мексикалик рақибини 3-раундда техник нокаутга учратиш эвазига ўзига тегишли бўлган чемпионлик камарини муносиб ҳимоя қила олди.