Alonso: "Jamoaviy muvaffaqiyat uchun hamma bir yo‘nalishda harakat qilishi kerak"

"Real Madrid" bosh murabbiyi Xabi Alonso "Real Sosedad"ga qarshi o‘yin oldidan matbuot anjumanida Xans-Diter Flikning so‘zlariga munosabat bildirdi. "Barselona" murabbiyi avvalroq "ego muvaffaqiyatni yo‘q qiladi", deb aytgan edi.

"Biz insoniy fazilatlarga ega bo‘lgan holda muvaffaqiyatga erishmoqchimiz. Har bir kishi qayiqda bo‘lishi va zarur paytda eshishga tayyor turishi kerak. Oldimizda murakkab bosqichlar bor va bizga hammaning bir yo‘nalishda harakat qilishi zarur", – deya javob berib o‘tdi ispaniyalik mutaxassis.

Eslatib o‘tamiz, shanba kuni "Real" mehmon sifatida "Real Sosedad"ga qarshi bahs olib boradi.