Ана холос: “Барселона” Мбаппенинг “Реал”га ўтишига йўл қўймоқчи эмас!

Қишки трансферлар бошланиши арафасида Килиан Мбаппе атрофидаги вазият ҳам таранглашиб бормоқда.

25 ёшли ҳужумчининг ПСЖ билан шартномаси мавсум охирида тугайди. Январь ойининг илк кунидан ҳар қандай клуб Мбаппе билан музокарага киришишга тайёр.

Кўпчилик Мбаппе ёзда эркин агент сифатида “Реал”га кўчиб ўтишини кутяпти. Бироқ “Барселона” бунга тўсқинлик қилмоқчи.

Mundo Deportivo нашри “Барселона” раҳбарияти ҳужумчи учун курашга қўшилгани ҳақида ахборот тарқатди.

Трансфер бўйича таҳлилчилар каталонияликларга Мбаппени олиб келиш қийин бўлишини таъкидламоқда. Чунки “Барселона”нинг молиявий имкониятлари чегараланган ва қимматбаҳо ўйинчининг талабларини кўтара олмайди.

Каталонияликлар эса, Мбаппе олиш учун унинг хизмат ҳақини тўлаш йўлини топиши ва бу масалани тезроқ ҳал қилиши керак.