Ана холос! Ҳакамни урган футболчига оғир жазо берилди

Гветамала чемпионатининг учинчи дивизионида “Сан-Лоренцо Жого Фут” ва “Тибуронес” жамоалари ўртасидаги учрашувда жанжал юз берди.

Иккинчи бўлим ўрталарида ҳакам “Сан-Лоренцо Жого Фут” вакили Эрик Энтони Гарсияга қизил карточка кўрсатиб, уни ўйиндан четлатади. Жаҳли чиқиб, ҳакамга ташланган футболчини аввалига жамоадошлари ушлаб қолди. Кейинроқ эса, у ҳакамнинг олдига келиб, юзига мушт туширди.

Лига тартиб-интизом қўмитаси вазиятни ўрганиб чиқиб, Гарсияни беш йилга футболдан четлатишга қарор қилди. Шунингдек, боксчи –футболчи қилмиши учун 129 доллар миқдорида жарима тўлаши керак.