Ana xolos! Ronaldu va Messi bir jamoada o‘ynashi kutilmoqda

“Manchester Yunayted”dan ketishi deyarli oydinlashib qolgan Krishtianu Ronaldu faoliyatini PSJda davom ettirishi mumkin.

Portugaliyalik yulduzga PSJ yana qiziqa boshlaganini taniqli jurnalist Florian Plettenberg xabar berdi.

Klub rahbariyati Ronalduni yanvar oyida qo‘lga kiritmoqchi. Biroq, klub sport direktori Luish Kampush bu rejani qo‘llab-quvvatlamayapti. Bu mutaxassis  asosiy e’tiborini tarkibni yoshartirishga qaratgan.

Agar parijliklarning rejasi amalga oshsa, Krishtianu Ronaldu faoliyatining so‘nggi bosqichini futboldagi asosiy raqobatchisi Lionel Messi bilan birga o‘tkazishiga to‘g‘ri keladi.