Анчелотти “Реал”дан кетишга қарор қилди

“Реал”ни 2021 йилдан бери муваффақиятли бошқариб келаётган Карло Анчелотти жорий мавсум якунланиши билан клубни тарк этадиган бўлди.

Onda Cero нашрининг маълум қилишича, италиялик мутахассиснинг Мадриддан кетиш қарори қатъий. Анчелотти “Реал” мавсум охирида совринларга эга чиққан тақдирда ҳам жамоа бошқарувини топширади.

Аслида тажрибали мутахассиснинг “Қироллик клуби” билан амалдаги шартномаси 2026 йилнинг ярмигача амал қилиши белгиланган. Бироқ Анчелотти клубдан муддатидан аввал кетишни истаяпти.

Анчелотти қўл остида “Реал” икки маротаба Испания чемпиони бўлди, Европа Чемпионлар лигаси, УЕФА Суперкубоги ва клублар ўртасидаги жаҳон чемпионатида ғолиб чиқди.

Ҳозирча, Карло Анчелотти “Реал”ни тарк этганидан кейин фаолиятини қаерда давом эттириши бўйича аниқ маълумотлар йўқ. Айрим мутахассислар унинг Саудия Арабистонига йўл олишини тахмин қиляпти.