Анчелотти “Реал”дан кетиши мумкинлигини тан олди

Испания чемпионатининг амалдаги ғолиби “Реал” бош мураббийи Карло Анчелоттининг клубдаги келажаги ҳали ҳамон мавҳум бўлиб турибди.

Журналистлар италиялик мутахассисдан у Мадридда қолиши учун жамоаси Ла Лига ва мамлакат кубогида ғолиб чиқиши шарт қилиб қўйилгани ҳақида сўради.

Таъкидлаш жоизки, бир неча кун аввал “Реал” билан 2026 йилнинг ёзигача тузилган шартномани охиригача бажаришини таъкидлаган Анчелоттининг бу галги жавоби бу мутахассис келажаги ҳақида аниқ тасаввурга эга эмаслигини кўрсатди.

- Футболда ҳамма нарса бўлиши мумкин. Нима юз беришини олдиндан ҳеч ким билмайди, - деди Карло Анчелотти.

Кейинги пайтда “Реал” раҳбарияти Карло Анчелоттини истеъфога чиқармоқчи экани ҳақида жуда кўп маълумотлар тарқатилмоқда. Мадридликлар жамоа бошқарувига “Байер”да муваффақиятли ишлаб келаётган испаниялик мураббий Хаби Алонсони олиб келишни режалаштирган.