"Andijon" tayyorgarlikni boshladi, tarkibda yangi futbolchilar bor

“Andijon” klubi Viktor Kumikov boshchiligida bugundan Xonobodda tayyorgarlikni boshladi.

Oldin xabar qilinganidek, chernogoriyalik legionerlar – hujumchi Bogdan Milich hamda yarim himoyachi Goran Miloyka klub ixtiyoriga etib kelishgan hamda mashg‘ulotlarga kirishishgan. Jamoaning yana bir yangi legioneri – Vladimir Bubanya esa uch kundan keyin “Andijon”ga qo‘shiladi.

Jamoa yig‘iniga shuningdek, iste’dodli darvozabon Muxriddin Ahmedov ham qo‘shilgan. O‘tgan yilgi mavsumni Tojikiston chempionati “Ravshan” jamoasi safida o‘tkazgan posbon u erda hammasi bo‘lib 20 ta o‘yinda maydonga tushgan.

Ayni paytda yana bir qator o‘yinchilar bilan muzokaralar olib borilmoqda. Shu sababli tarkibga yangi futbolchilar qo‘shilishda davom etadi.