Андижондаги халқаро ўртоқлик учрашувида дарвозаларга 4 та гол урилди

Олдин хабар берганимиздек, 14 октбярь куни Андижондаги “Бобур Арена”да халқаро ўртоқлик учрашуви ўтказилди. Унда “Андижон” клуби Қирғизистоннинг “Мурас Юнайтед” жамоасини қабул қилди.

Учрашувда дастлаб меҳмонлар ҳисобни очдилар. “Мурас Юнайтед”нинг қозоғистонлик легионери Давлатбек Ҳакимов 14-дақиқада ўзининг чиройли зарбаси билан мезбонлар дарвозасини ишғол қилди. Танаффусгача бошқа гол урилмади.

Иккинчи бўлим янада қизиқарли ўтди. 67-дақиқада мезбонларнинг захирадан майдонга тушган тўпурар ҳужумчиси Рубин Хебай пенальтидан ҳисобни тенглаштирди. Орадан уч дақиқа ўтгач, меҳмонларнинг россиялик ҳужумчиси Артём Сердюк жамоасининг иккинчи голини киритди. 82-дақиқада эса “Андижон” футболчиси Муҳаммадкарим Тоиров учрашувга нуқта қўйди. У рақиб дарвозасини чиройли тарзда ишғол қилди ва беллашув 2:2 ҳисобидаги дуранг натижа билан якун топди.