АПЛ клуби "Рома"га таклиф юбормоқчи

"Рома" ҳимоячиси Рожер Ибаньес А Серияни Англия Премьер-лигасига алмаштириши мумкин. Corriere dello Sport хабарига кўра, футболчининг хизматларига “Астон Вилла” қизиқиш билдирмоқда.

Бирмингем клуби раҳбарияти 24 ёшли футболчининг трансфери бўйича “бўрилар”га расмий таклиф юбормоқчи. "Рома" эса футболчисини 25-30 миллион еврога баҳоламоқда.

Маълумот учун, бразилиялик футболчи Рим клубида 2021 йилнинг ёзидан буён ўйнаб келмоқда. Унинг пойтахтликлар билан шартномаси 2025 йилнинг июнь ойи охиригача амал қилади.

Ибаньес Италия чемпионатининг сўнгги мавсумида 33 та ўйин ўтказиб, 3 та гол урди, 9 та сариқ карточка олди ва бир марта майдондан четлатилди.