АПЛнинг энг тезкор футболчилари маълум

Статистика билан шуғулланувчи "OPTA" нашри АПЛнинг бу мавсумдаги энг тезкор футболчиларини эълон қилди. Унга кўра, тезкор футболчилар рўйхатида "Челси" ҳимоячиси Антонио Рюдигер етакчилик қилмоқда.

У "Брайтон"га қарши баҳсда 36,7 км/с тезликда ҳаракат қилган. Бу орқали Рюдигер ҳозирча Англия чемпионатининг энг тез футболчиси бўлиб турибди.

Иккинчи ва учинчи ўринлар "Ливерпуль" ҳужумчиси Муҳаммад Салоҳ ва "Вулверхэмптон" собиқ футболчиси Адама Траорега тегишли. Улар бир ҳил 36,6 км/с тезлик қайд этишга муваффақ бўлган. 

Кейинги ўринлардан 36,2 км/с тезлик билан яна бир "Ливерпуль" вакили Ибраима Конате, бир ҳил 36,1 км/с тезлик қайд этган "Астон Вилла" аъзоси Олли Уоткинс ҳамда "Лестер" ҳужумчиси Патсон Дака ўрин олган.