"Арсенал" жароҳат олган ҳужумчиси ўрнига катта пул сарфламоқчи эмас

Бугун "Арсенал" ҳужумчиси Каи Хаверц тиззасидан жароҳат олиб, сафдан чиққани маълум бўлди. Сўнгги хабарларга кўра, клуб раҳбарлари унинг ўрнини тўлдириш учун катта маблағ сарфлашни режалаштирмаяпти.

Aгар жароҳат оғир бўлиб чиқса, "канонирлар" "Реал" ҳужумчиси Родригони харид қилишга уринмайди. Бу ҳақида "The Telegraph" нашри хабар берди. Унинг ўрнига ижара ёки нисбатан арзон нархга футболчи изланади.

Шу билан бирга, катта сарф-харажатдан қочиш истаги лондонликларни Жейми Варди билан келишувга олиб келиши мумкин. Бироқ, ҳозирча бунга ишора қиладиган далиллар йўқ.

Шунингдек, эҳтимолий номзодлар сифатида Марко Асенсио (ПСЖ), Эберечи Эзе ("Кристал Пэлас") ва Николас Жексон ("Челси") тилга олинмоқда. Аммо ҳар бир вариант турли сабабларга кўра, амалга ошиши қийин.