"Арсенал" мухлислари учун хушхабар

"Арсенал"нинг 21 ёшли футболчиси Габриэль Мартинелли клуб билан амалдаги шартномасини янгилаш бўйича келишиб олди. Янги битим 2027 йилгача амал қилади, дея хабар тарқатди "The Athletic" нашри.

Миш-мишларга кўра, бразилиялик вингерни "Барселона" кузатиб бормоқда. Аммо энди янги шартнома имзоланганидан кейин ушбу трансфер амалга ошиш эҳтимоли паст.

Мартинелли ушбу мавсум Артетанинг асосий ўйинчилар қаторига кириб олди. У "Арсенал" сафида 27 та ўйинда майдонга тушиб, 7 та гол урди ва 3 та ассист амалга оширди.