“Арсенал” рақибни урган энг қиммат футболчисидан воз кечади
“Арсенал” бош мураббийи Микель Артета клубнинг энг қиммат трансфери эгаси бўлган Николя Пепега жавоб бериб юборадиган бўлди.
Лондон клубига ўтган йили 80 миллион еврога олиб келинган ивуарлик футболчи “Лидс”га қарши учрашувда рақиб футболчиси билан келиша олмай қолди. Ўзаро муносабатларга ойдинлик киритиш мақсадида Пепе аввалига рақибини турткилади, кейин боши билан унинг юзига зарба берди. Табиийки, ҳакам уни майдондан ҳайдади.
Катта суммага харид қилингани қарамай, икки мавсумдан бери ўзини яхши томондан кўрсата олмаётган Пепе ўз устидан кўпроқ ишлаши керак. Агар унинг ўйини ва ахлоқида яхши томонга ўзгариш кузатилмаса, клуб футболчини ёзда трансферга қўйишга қарор қилган.
Фикрлар