"Аталанта" бир кўрсаткич бўйича фақат "Сити"дан ортда қолмоқда

Италия А Серияси 21-тури доирасида "Аталанта" меҳмонда "Торино"ни (7-0) йирик ҳисобда мағлуб этди.

Ушбу учрашувдан сўнг Бергамо клубининг чемпионат доирасида жорий мавсумдаги голлари сони 57 тага етди.

Европа кучли бешлик чемпионатлари клубларидан фақат "Манчестер Сити" (65) италян клубидан кўра кўпроқ гол киритишни уддалаган. Аммо шаҳарликлар ушбу натижага эришиш учун 24 та учрашув ўтказган бўлса, "Аталанта" учун эса 21 та ўйин етарли бўлди.