"Атлетико" - "Ливерпуль" учрашувининг энг яхши футболчиси аниқланди

Мадриднинг "Атлетико" клуби ҳимоячиси Ренан Лоди кеча "Ливерпул"га (1:0) қарши бўлиб ўтган УЕФА Чемпионлар лигаси 1/8 финал дастлабки учрашувининг энг яхши футболчиси деб топилди.

Таъкидлаш керакки, 21 ёшли бразилиялик футболчи янги жорий этилган совриннинг илк соҳибига айланди.

Маълумот учун, Лоди бу мавсум “Атлетико” сафида 30 та ўйинда майдонга тушди ва 1 та гол ҳамда 3 та голли узатмага муаллифлик қилишга эришди.

Эслатиб ўтамиз, “Ливерпуль” ва “Атлетико” жамоалари ўртасидаги жавоб баҳси 11 март куни “Энфилд”да бўлиб ўтади.