"Атлетико" етакчиларидан бири жамоадан кетмоқчи

Мадриднинг "Атлетико" клуби ярим ҳимоячиси Сауль Ньигес яқинлашиб келаётган ёзги трансферлар даврида жамоасини ўзгартириши мумкин. Бу ҳақда AS нашри хабар бермоқда.

Юқоридаги манбаага кўра 24 ёшли испаниялик футболчи совринлар ютиш учун нисбатан кучлироқ жамоа сафига кўчиб ўтмоқчи.

Эслатиб ўтамиз, бундан аввалроқ Саулга "Барселона", "Манчестер Сити" ва "Манчестер Юнайтед" каби жамоалардан жиддий қизиқишлар борлиги ҳақида хабарлар тарқалган эди.

Маълумот учун, Саулнинг “матрасчилар” билан амалдаги шартномаси 2026 йилга қадар имзоланган. Унинг товон пули эса 150 млн еврони ташкил этади.