Австралия - Ўзбекистон учрашувида нималар рўй берди? Терма жамоамизнинг тарихий голи

Осиё кубоги учинчи турида Австралия - Ўзбекистон учрашуви бўлиб ўтди. “Кенгрулар” кейинги босқич масаласини аллақачон ҳал қилган. Ҳамюртларимиз ҳам бир оёғи билан плей-оффда эди. Фақатгина ким гуруҳда биринчи ўринни эгаллашига ойдинлик киритиб берадиган баҳс гувоҳига айландик.

Дастлабки дақиқалардан рақиб катта куч билан олдинга ўтди. Австралияликлар кетма - кет уринишлар амлага оширди. Биз эса қарши ҳужум тактикасига таяндик.

11-дақиқада чап қанотдан утатилган тўпни дарвозага киритди. Яхшиямки бахтимизга сал аввалроқ ўйиндан ташқари ҳолат қайд этилганди.

Кейинроқ вакилларимиз ўнг қанотдан комбинация уюштирди. Аммо ҳужум зарба билан якунланмади.

Тайм ўрталарида Умар Эшмуродов ўтиб кетаётган рақибини тўхтатиб қолгани учун огоҳлантирилди. Жарима зарбасидан эса австралияликлар самарали фойдалана олмади. Йўналтирилган тўп анча ноаниқ кетди.

37-дақиқада терма жамоамиз сардори Отабек Шукуровда 2 та имконият бўлди. Жарима майдони ичидан йўллаган тўпларни ҳимоячилар блоклай олди. 

41-дақиқада рақибимизнинг 10-рақамли футболчиси 3 футболчимизни алдаб шеригига тўпни оширди. Аммо унинг жамоадоши қулай вазиятни кўкка совурди. Аммо бу вазиятни ВАР орқали кўриб чиқилди ва пенальти белгиланди. Одил Ҳамробеков йиқилаётганда тўпни қўли билан ўйнади деб топилди. 11 метрдан тўпни Мартин Бойле дарвозага аниқ йўллаб, ҳисобни очди.

Танаффусда Остон Ўрунов ўрнига Жалолиддин Машарипов майдонга туширилди. 51-дақиқада айнан Аббосбек Файзуллаев ишлаган жарима зарбасини Машарипов амалга оширди. Жалолиддин тепган тўп ноаниқ кетди.

Ўйиннинг учдан бир қисми ўтиб бораётганда Жалолиддин Машарипов стандартдан тўпни Умарбек Эшмуродовга ташлаб берди. Ҳимоячимиз гол урди. Бироқ ён ҳакам байроқчасини кўтариб офсайд қайд этди.

64-дақиқада Аббос Файзуллаев ўрнига Игорь Сергеев, Ҳожимат Эркинов ўрнига Азизбек Турғунбоев майдонга тушди.

Машарипов чап қанотдан оширган тўпни Азизбек Турғунбоев баланд бўйли ҳимоячидан ўтиб бош билан гол урди. Тарихий гол. Иккинчи бўлимда захирадан майдонга тушган футболчилар асосий ишни бажарди.

83-дақиқада Игорь Сергеев жароҳат олиб майдонни тарк этди. Унинг ўрнини Жамшид Искандеров тўлдирди.

Қолган дақиқаларда жамоалар ҳар қанча ҳаракат қилмасин дарвозаларга бошқа йўл топилмади. Натижада Ўзбекистон миллий терма жамоаси гуруҳда иккинчи ўрин билан кейинги босқичга йўл олди.