Баҳодир Жалолов янги промоутерлик шартномаси имзолади (фото)

Профессионал бокснинг оғир вазн тоифасида жанглар ўтказиб келаётган Баҳодир Жалолов Probellum компанияси билан қўшма ҳамкорлик шартномаси имзолади. Бу ҳақда компаниянинг ижтимоий тармоқлардаги саҳифаларида эълон қилинди. Жалолов Лоу ДиБелла рахбарлигидаги DiBella Entertainment компанияси мижози ҳисобланади. Эндиликда, бунга қўшимча равишда Probellum компанияси билан ҳам ҳамкорлик қилади. 

Бир неча кун олдин ДиБелла ҳам Probellum таркибига промоутер сифатида қўшилгани эълон қилинганди. 

Ричард Шефер томондан 2021 йилда ташкил қилинган бу компания ҳаваскор боксда юқори натижаларга эришган боксчиларни ўз таркибига қўшиб, уларни профессионал йўналишда жаҳон чемпионлик камари учун олиб чиқишни ният қилган. 

Эслатиб ўтамиз, Баҳодир Жалолов 18 март куни Дубай шаҳрида ташкил этиладиган жанг оқшомида полшалик Камил Соколовскига (11-25, 4КО) қарши жанг ўтказади.

Мирзакамол Нематов Тошкентда жанг ўтказади, рақиб ҳам аниқ бўлди

Баҳром Фозиловнинг навбатдаги жанги санаси ва рақиби маълум бўлди, у Тошкентда рингга кўтарилади