"Барса" Левандовскини сотиши мумкин!

"Барселона" ёзги трансфер ойнасида ҳужумчи Роберт Левандовскини сотишни кўриб чиқмоқчи. Бу ҳақда "Transfer News Live" нашри хабар бермоқда. Робертнинг сўнгги ўйинлари "кўк-анорранглилар" раҳбариятига маъқул келмаяпти.

2023/2024 йилги мавсумда Левандовски 17 та ўйин ўтказиб, 8 та гол урди ва шерикларига 4 та голли узатмани амалга оширди. Нуфузли "Transfermarkt" портали  35 ёшли польшаликни 30 миллион еврога баҳоламоқда.

"Барселона" айни дамда Испания чемпионати турнир жадвалида 3-ўринни эгаллаб турибди. Ла Лиганинг сўнгги ўйинида Хави шогирдлари "Атлетико"ни минимал 1:0 ҳисобида мағлуб этишди.