“Барселона” асосий юлдузини қўлдан чиқарди

Испаниянинг Sports.еs сайти хабарига кўра, “Барселона” раҳбарияти тез орада Усмон Дембеле вакиллари билан ҳал қилувчи сўнгги учрашувни ўтказади.

Манбанинг таъкидлашича, франциялик футболчи Каталонияни тарк этиш бўйича бир қарорга келиб бўлган.

25 ёшли ҳужумкор футболчини Килиан Мбаппе ПСЖда кўрмоқчи ва Париж клуби хўжайинларидан Дембелени жамоага олиб келишни талаб қиляпти.

Усмоннинг ўзи ҳам молиявий жиҳатдан энг қудратли клублар қаторида турган ПСЖга ўтишни истаяпти. У шу кунга қадар терма жамоадаги шериги Мбаппе қайси клубни танлашини кутаётган эди.