"Барселона" Дембеле борасида бир қарорга келди

Франциялик футболчи Усмон Дембеле фаолиятини "Барселона"да давом эттириши мумкин. 

"Diario Sport" нашри хабарига кўра, каталонияликлар 25 ёшли вингер билан янги шартнома имзолашга яқин турибди. Мунтазам музокаралар натижасида ҳар икки тараф деярли бир хил позицияга эга бўлиб улгурди. Фақат Матеу Алеманининг розилиги етишмаяпти. 

"Кўк-анорранглилар" бу масалани имкон қадар тезроқ ҳал қилишни истайди. Шундан сўнг Усмон мавсумолди тайёргарликларнинг илк куниданоқ жамоа билан машғулотларни бошлаши мумкин.