“Барселона” ҳужумчиси АПЛга қайтиши мумкин

"Барселона" ҳужумчиси Пьер-Эмерик Обамеянг Англия Премьер лигасига қайтиши мумкин. Боиси, футболчи "Челси"нинг қизиқишлари доирасига тушиб қолди. Бу ҳақда журналист Фабрицио Романо хабар берди.

Манбага кўра, лондониклар ҳужумчининг вакиллари билан музокаралар олиб бормоқда. "Барселона"га ҳозирча расмий таклиф жўнатилгани йўқ.

Пьер-Эмерик Обамеянг 2022 йилнинг январидан буён “Барселона” шарафини ҳимоя қилиб келмоқда. Ҳужумчининг каталонияликлар билан шартномаси 2025 йилнинг ёзига қадар амал қилади.

Габонлик форвард якунига етган мавсум  “Барселона” сафида 23 та ўйин ўтказиб, 13 та гол муаллифига айланган.